I
Z kołoczym do młodego pona. wykonuje zespół Jastrzymbioki
W domu panny młodej – kucharka Ana, matka panny młodej
Wichtora, dziewczyny do pomocy – 1 Francka, 2 Sztefa 3 Ludwina. Siedzą przy stole w kuchni, piją bonkawa.
Wichtora – I co, pokosztowałyście Ano tyn kołocz? Kiery je
nojlepszy, bo mie się zdo, że tyn z bryjom, choć i tyn z makiym, tyż je
fajnisty.
Ana – Kożdy je dobry
jak je świyży. Mie nojleszy szmakuje taki prosto ze pieca, jeszcze gorki, ale
to ni ma dobre, bo zajś potym watroba wysiodo.
Wichtora – Ja na starość, to wszystko wysiodo. A wom
dziołszko szmakowało? Wom tam jeszcze nic niy wysiodo, pra?
Francka – W pojstrzodku nic, ale szłapy mi wysiodajom od
tego deptanio.
Ana – a co jo mom pedzieć, jak te młode już ustoć niy
poradzom. Ja, pijcie ta bonkawa, bo jeszcze ta młodo musi łobrać kiere sznity
pójdom do młodego pona.
Sztefa – Mono te moji, bo jo poradzą piyknie posypka
ukłodać.
Francka – A mono moji, bo mój kołocz je dycko
najszumniejszy.
Ludwina – A moji som nojbardzij wypieczone i jo se swoji
blachy poznom.
Ana – Bele to niy bydzie z moji blachy ( śmieje się), abo z
mamulczynej, bo my już som stare, to nom już je wszystko jedno, a wy jeszcze
fest uciecha mocie, jak te wasze wybiere, bo to je na szczynści.
Wichtora – Ja, młodym kieby szczynści dopisowało, a nom to
już pomału nic niy trza. Mie sie już łostatnio cera wydowo, je zech starkom dlo
piynć wniukow, a mono chneda zajś byda mieć jakigo wnuka po tym weselu.
Ana – Tak to bywo z tymi starkami, jak w tej pieśniczce.
I piosenka – Za stołem panienki
Ana ( zwraca się do matki ) – A do potkow mosz narychtowany
kołocz?
Wichtora – Ja, do potkow, do wszystkich ujcow, do farorza
tyż trza zaniyść i do somsiadow,chyba żech żodnego niy pominyła.
Ludwina – A woniączki żejście wszyndzi powrażowali?
II
Wichtora – Ja i karteczki. Zarozki wom poczytom (wyjmuje
bilecik) > coby nasi znajomi w pamiynci nos mieli, młodo para łod serca
kołoczym się dzieli> Piyknie, pra? A terozki łobejrzicie te sznity ( wyjmuje
jeden zapakowany kołocz i pokazuje wszystkim)
Ana – Toż wołej ta Felcia, czy już łobrała kiery kołocz
poniesiecie do ślubnego.
Wichtora – Felcia! Felcia!
Wchodzi panna młoda.
Wichtora – Łobrałaś kołocz dlo ślubnego?
Felcia – Ja, tyn ze syrym i z tom szpiczatom posypkom łod
Francki, łod Ludwiny z bryjom i z makiym łod Sztefy.
Wichtora – widzicie dziołchy, wszystki bydzie mieć szczynści
i mono chneda się wydocie, bo łod kożdej po sznycie wybrała.
Dziewczeta głośno okazują radość.
Wichtora – Toż trza nom się do młodego zbiyrać.
Ana – a kto jedzie, bo jo musza tu dali kroć konski dlo tych
somsiadow.
Wichtora – Felcia, wszystki dziołchy, jeszcze Achim starosta
i somsiadka Hilda, bo poradzi piyknie śpiywać
i biere tyż swoja cerka Lusia żeby zbożym suła na szczynści dlo młodych.
Toż rychtujcie się, a jo te konski narychtuja z kucharkom.
II piosenka o kołoczu.
W czasie trwania piosenki wszyscy opuszczają kuchnie, a miejsce przy stole zajmują matka pana młodego
–Matilda, ojciec – Alojz, pan młody - Ymil i starka. Starka obiera jabłko i
nuci > Wszystkie nasze dzienne sprawy>
Starka – jakiś som latoś posmyrszczane te jabłka, gibko ich
biere.
Matilda – dyć te najszumniejsze my na bryja do kołocza
zesmażili, bo ludziom trza dać co nojlepsze.
Alojz – bezmała u Wichtory i Bercika już się wracali łod
piekorza, mono z kołoczym zaro tu bydom. Rychtuj sie Ymil. Jeżejś chocioż
poczosany?
Ymil – joch je dojść gryfny.
Starka – niech się ta młodo raduje że mo takigo szwarnego,
młodego galana. Za moich czasów łojcowie chłopa wybiyrali cerze, takigo, kiery
mioł dużo morgow. Nieroz boł już stary, a dziołcha młodo i musiała go brać. A
potym to roztomańcie bywało. Jak choćby w tej pieśniczce
III
III piosenka – Łożynioł sie stary dziod.
Alojz – Cicho, baby, bo chyba rychtyg idom z tym kołoczym.
Wchodzą z kołoczem.
Matilda – Jezderkusie! Z kołoczym do Ymila przyszli.
Hilda – Witejcie łojcowie łod młodego pona, witejcie starko
i ty panie młody. Przichodzymy sam z kołoczym, bo bez tego niy bydzie weselo.
Lusia – Kaj je tyn młody pon, bo tu sie o niego rozchodzi?
Achim – Joch je starosta. Prziszlech oszacować
czy bydziesz tej Felcie dojść gorko miłować.
Bo godka rychtuja już na wykupiny,
A frela rychtuje na wiano pierziny.
Pokoż mi się synku co cie oszacuja,
Bo weselny kołocz już pod nosym czuja.
Ymil – Przaja Felci i je żech gotowy do weselo.
Lusia – toż ci o przociu zaśpiywomy, a jo posuja zboże, coby
wom się dobrze dzioło. ( Sypie zbożem z worka)
IV piosenka – Siadła pszczółka.
Wichtora – a teroz to nojważniesze z czym my sam prziszli. Felcia,
godej swojimu istnymu o tym kołoczu.
Felcia – Tu mosz mój galanie kołocz wypieczony
I posypka, jak te liczka łod twej prziszłej żony.
Dolny konsek je z makiym, cobyś po inkszych ni mioł szmaku,
Drugi je z biołym syrym, cobyś boł zy mnom dycko szczyry,
A tyn wiyrchni je ze marmuladom, cobyś boł w doma jak
boczonie przijadom
IV
Podaje mu kołocz, a on go podaje swojej matce.
Sztefa – A na wiyrchu mosz woniączka,
cobyś ta istno dycko całowoł po rączkach.
V Piosenka –
Wichtora – to teroz Ymilku już chneda bydziesz w naszej
familiji.
Matilda – Ja, Pon Bog zaplać za tyn fajnisty kołocz. Radzi
my som żejście ś nim prziszli.
Alojz – Podźcie ku stole, zaroz wom poleja. Dlo bob mom
fajno , świyżo jajcowa, to już je na weseli, bo przeca godzi się żeby młody pon
doł gorzołka i coby jom niy brakło.
Hilda – Toć, gorzolki ni może braknyć, bo łona je dobro na
wszystko.
VI piosenka – Gorzołka dobra
W czasie trwania piosenki Felcia zakrada się za stół i
podkrada butelkę wódki. Potem pokazuje ją dziewczyną i publiczności.
Felcia – Ukradlach jedna flaszka jak obyczaj korze żeby
młody mioł na wykupiny.
Francka – A nie widzieli cie?
Felcia – Chyba ni.
Lusia – Ucz się żeby mieć wprawa jak bydziesz chłopu po
kapsach sznupać.
Wichtora ( zwraca się do Matlidy) – Toż potym pokosztujcie
tego kołocza kumo, musicie go łoszacować.
Matilda – Ja, a terozki skosztujcie keksu. Jo go już na
weseli piykłach, bo łon dłogo je swiyży.
Hilda – Toż zaśpiywejmy jeszcze tymu młodymu o tyj wolności,
bo terozki już bydzie dycko pod babskim pantoflym
VII piosenka – A ty mosz co zejś chcioł.
Alojz – wypijcie jeszcze po jednym.
V
Wichtora – Sam mocie fajnie, ale i jo i dziołchy som my
słabe, łod rana kołocz my piykły, a jeszcze teroz trza go rozdować, lotać po
sąsiadach. Trocha bajtle pomogom roznosić.
Alojz – To se nazbiyrajom jakich kotlokow, bydom rade.
Hilda – Ja, czas na nas, bydźcie zdrowi, a chneda się na
weselu spotkomy do kupy.
Alojz – A wtynczas bydzymy tańcować i pić do rana. Ale
terozki już z Panym Bogiym.
Wichtora – Podźcie, bo momy jeszcze wiela lotanio. Ale du
dom pójdymy z pieśniczkom, bo trza nom się radować i Pon Boczkowi dziynkować.
VII Piosenka na zakończenie.
Komentarze
Prześlij komentarz