Blog po śląsku- Ewelina Kuśka : Gwara śląska

Pieśniczki dla zespołu „ Jastrzymbioki” Wionku mój. I Wionku   mój niech rzeka cie poniesie W cicho noc po falach wody płyń. Niech zowiszczom mi przocio duchy w lesie, Niech zowiszczom przocio duchy w sercu mym. II Synku mój wypatruj wionka mego. W cicho noc niech niesie go mój głos. Fale rzyki zanieście go do niego. Wodo niyś daleko utynskniony głos. III Serce me ucholkej wody rzeki, Serce stoj! Na chwila przestoń bić. Cichnie sowy hukani fest daleki. Niech ustanie świat, aż serce zacznie bić.

Staro pieśniczka

A my zmiynczoni. I Kajś pod progiym tompie jyż, cicho szuści las. Hazok wylynkany spi, Lis wahuje zajś. Ref. A my zmynczoni, zapadomy w śnik, Aż Pon Boczek dobrom rynkom wskrzesi nowy świt.    X2 II Mota loce, szuko gwiozd, Pije światło ś nich, zajś luftmysza woli ćmok. W lesie wyje wilk. Ref. A my… III Szczuka wiy, ze kaper spi, Toż sae brusi kły. Nad rzekom miesiączek już wonio ranne mgły. Ref. A my…

Pieśniczki wykonuje zespół Jastrzymbioki Uroda I Dycko matka mi godali, że uroda mie ocali. Zaforb szkuty se na blond, a zaprzaje ci James Bond Ref. Bo Ślązoczki słynom w świecie ze gryfnoty sami wiycie. Sami wiycie słynom w świecie. II Dycko matka mie szkolili, żeby niy zowiścić Cili. Lepszy ćwiczyć sztyjc przysiady dlo parady. Ni ma rady. Ref. Bo Ślązoczki… III Godo matka – kup strzewiki, taki z samej Hameryki, kup se klajd, poderwej Hynia, ni ma na co czakać Gynia. Ref. Bo Ślązoczki… IV Dycko starka powiadali jak my byli jeszcze mali Z Gynie bydzie fajnio frela i osiągnie w życiu wiela.

Już złoty miesiączek – pastorałka wykonuje zespół "Jastrzymbioki" I Już złoty miesiączek na niebo wychodzi, Gwiozdka piyknie nom blynduje, Pon Boczek sie rodzi. II Ludzie odciepujom wszystki swoji złości, Pon Jezusek som przichodzi nom do izby w gości. III Pokosztuje kapra i moczki popije I pogodo z nami o tym jak sie nom sam żyje. IV Bydzie z nami rzykoł i śpiywoł kolyndy I łobieco, że już dycko bydzie przi nas   wszyndy.

Pieśniczki - Kaśka wykonuje zespół Jastrzymbioki I   Jedna Kaśka dość niechersko po placu lotała, a tam chopcy w bala grali, to sie im dziwała. Ref. Kaśka, Kaśka kup tym chopcom flaszka, jak sie na co przidosz, to sie mono wydosz. II Roz wylazła Kaśka na plac w rynce flacha miała i tom flachom przed łoczami chopcom szelontała. Ref. . Kaśka, Kaśka dej tym chopcom flaszka, jak sie na co przidosz, to sie mono wydosz III Miała Kaśka już galana, gryfny boł i sztramski, ale zamiast swoji lipsty bardzij cynił flaszki Ref. Kaśka, Kaśka zebier chłopu flaszka, Jak sie mu niy przidosz, wcale sie niy wydosz I   Przidź po szychcie Janek, nazbiyromy janek, pojadymy se nad woda, bo pogody szkoda. Przidź po szychcie Zbyszku, nacisna do miyszkow, sznita chleba, flaszka wody, bo szkoda pogody Ref. Klara fest sie miyni, Dziołchy som w bikini. Toć, Agata, szkoda lata idzie ku jesiyni. Lata mi je szkoda, bo zwiy

Pieśniczki - Przidź po szychcie, wykonuje zespół Jastrzymbioki I   Przidź po szychcie Janek, nazbiyromy janek, pojadymy se nad woda, bo pogody szkoda. Przidź po szychcie Zbyszku, nacisna do miyszkow, sznita chleba, flaszka wody, bo szkoda pogody Ref. Klara fest sie miyni, Dziołchy som w bikini. Toć, Agata, szkoda lata idzie ku jesiyni. Lata mi je szkoda, bo zwiyndnie uroda, a mojimu Jorgusiowi chned osiwnie broda, II Przidź po szychcie Krista posłochomy twista, a we wieczor kole lauby bydymy se dżistać. Przidź po szychcie Hynio pogoda sie zmiynio, toż pójdymy na zabawa a potym na kawa.

Adelka se dzisio kolanko odrziła, bo chlasła o zola, tak sie zagapiła. Teroz siedzi w kącie, dzierży sie za nożka, boroczka Adelka, naszo mało dziołszka. Aż tu naroz przyszła starka od Adelki, a ta starka serce mo dlo bajtli wielki. Pohuhała nożka, pohalała liczka i już uśmiychniono mo dziołszka gymbiczka. Jak dobrze, że bajtle majom dobre starki, co ich ucholkajom, opowiedzą bajki, czasym ciompa utrzom, zista ufyrlajom, ci, co majom starki fest dobrze sie majom.

"Kaj som glajzy" - na melodię starej czeskiej piosenki - "Tam je sladek" wykonuje zespół " Jastrzymbioki" I Kaj som glajzy, koniec rajzy, tam nojlepsze piwo u "Woryny". Ref. Tam sie piwo leje, ożyrok sie śmieje, tam sie piwo pije, tam sie dobrze żyje. Pijcie go, pijcie go, pijcie go, pijcie go aż do rana biołego. II Na Gornioku, po cimoku, tam nojlepsze piwo u "Lazara". Ref. Tam sie piwo leje, ożyrok sie śmieje, tam sie piwo pije, tam sie dobrze żyje. Pijcie go, pijcie go, pijcie go, pijcie go, aż do rana biołego. III W " Małpim Gaju" je jak w raju, tam nojlepsze piwo dziołchy lejom. Ref. Tam sie piwo leje, ożyrok sie śmieje, tam sie piwo pije, tam sie dobrze żyje. Pijcie go, pijcie go, pijcie go, pijcie go aż do rana biołego. IV. Na " Piynterku" po kufelku, tam je frela, kiero piwo leje. Ref. Tam sie piwo leje, ożyrok sie śmieje, tam sie piwo pije, tam sie do

Moji miasto ( wykonuje zespół „ Jastrzymbioki) I Choć nieświyży luft, choć od spalin smrod ale to je mój i już. Tukyj w dziyń i w noc je gołymbi moc za szybom gruchajom mi. Tam na placu chłop zbiyro słomy snop, a bajtel za ścianom spi. Po co wyjyżdżać daleko stąd, tu je rodzinny dom. Ref. Moji miasto to je Jastrzymbiii - Zdroj moja chałpa, a na pojstrzodku stoł, tukyj gości bez luku zmieści sie. Niech wszyscy wiedzom, że tukyj je gorące serce me. II Tukyj starzik żoł, czorno ziymia roł, a łona słochała go. Gorści wielki mioł, wongel nimi proł, a łon poddowoł mu sie. Tu zdrojowy park, jak łobrocisz kark uczelnia AGH. Po co wyjyżdżać daleko stąd tu je rodzinny dom. Ref. Moji miasto... III Szychta kończy sie, butel przed grubom je do chałpy czas sie już brać. Posłuchać szumu brzoz, woniać zapachy róż, na trowie poleżeć se. Z daleka buczy szyb, lepszy szmakuje chlyb jak w swojim mieście go jysz. Po co wyjyżdżać daleko stąd, tu je rodzinny do