Złoto przinosi śmierć
Kiejś rozprowiały w Połomii starki o trzech karlusach łod jednyj matki,
o trzech bracikach fest urodziwych, ale chacharach na złoto chciwych,
co im śmierdziała bardzo robota, za darmo chciało sie synkom złota.
Roz tyż se idom i rozprowiajom, kierego łokraść tym razym majom.
Wtym widzom z dalsza kole strumyka pochylonego nisko starzika,
co krykom piere kupa piniyndzy. – Łobejrzcie bracia! Podźcie tu pryndzyj!-
woło tyn piyrszy. Flot lecom wszyscy. – Czamu pierecie hołda piniyndzy!?
Lepszy ich dejcie nom – grzecznie proszom. – Ale piniondze te śmierć przinoszom-
pado tyn starzik – tymu ich piera. Śmiejom się synki – mocie ich tela,
że yno szczynści dać mogom wielki, szumne pałace, szykowne frelki,
dobre jedzyni i piykne szaty. – Ja, godo starzik – je żech bogaty.
Jak chcecie, biercie ta kupa cało, bo mie sie złota już odechciało.
I poszoł starzik se drogom dali, a synki złoto w kapsy zbiyrali.
Ale jak yno go pozbiyrali, to miyndzy sobom się wadzowali.
- Som my niyrowno tym podziylyni, jedyn mo wiyncyj, a drugi myni-
- pado nojstarszy – Nazod wyciepcie i zajś na kupki złoto podzielcie.
Toż tak zrobili. W końcu uznali, że przi podziołce bardzo zgłodniali.
- Niech idzie jedyn na torg do miasta i kupi woszty, chleby, umasta
co se pojymy. I jedyn szoł, a jak już w mieście na torgu boł
tak se pomyśloł: „ Braci otruja, do jodła czego zaroz nasuja.
Po co sie dzielić tym złotym mom, jak moga wszystek mieć go se som”.
Jak se pomyśloł, tak zrobioł zaro. Tymczasym bracia tak se godajom:
- Lepszy we dwójka się podzielymy, trzecigo brata zajś zabijymy.
Postanowili i tak zrobili, jak bracik prziszoł to go zabili.
Potym porządnie oba pojedli i chned otruci przi lesie legli.
I prziszoł starzik co doł im złoto, wszystek pozbiyroł, ciepnył pod płotym
i piere krykom wiela sił mo. A praje chlopow dwóch starszych szło.
Podeszli bliżyj i zaglondajom. – Lepszy nom dejcie złoto – godajom.
- Chcecie, to biercie ta kupa cało, mie sie piniyndzy już odechciało.
I poszoł starzik se drogom dali, a chłopy złoto w kapsy zbiyrali.
Kiejś rozprowiały w Połomii starki o trzech karlusach łod jednyj matki,
o trzech bracikach fest urodziwych, ale chacharach na złoto chciwych,
co im śmierdziała bardzo robota, za darmo chciało sie synkom złota.
Roz tyż se idom i rozprowiajom, kierego łokraść tym razym majom.
Wtym widzom z dalsza kole strumyka pochylonego nisko starzika,
co krykom piere kupa piniyndzy. – Łobejrzcie bracia! Podźcie tu pryndzyj!-
woło tyn piyrszy. Flot lecom wszyscy. – Czamu pierecie hołda piniyndzy!?
Lepszy ich dejcie nom – grzecznie proszom. – Ale piniondze te śmierć przinoszom-
pado tyn starzik – tymu ich piera. Śmiejom się synki – mocie ich tela,
że yno szczynści dać mogom wielki, szumne pałace, szykowne frelki,
dobre jedzyni i piykne szaty. – Ja, godo starzik – je żech bogaty.
Jak chcecie, biercie ta kupa cało, bo mie sie złota już odechciało.
I poszoł starzik se drogom dali, a synki złoto w kapsy zbiyrali.
Ale jak yno go pozbiyrali, to miyndzy sobom się wadzowali.
- Som my niyrowno tym podziylyni, jedyn mo wiyncyj, a drugi myni-
- pado nojstarszy – Nazod wyciepcie i zajś na kupki złoto podzielcie.
Toż tak zrobili. W końcu uznali, że przi podziołce bardzo zgłodniali.
- Niech idzie jedyn na torg do miasta i kupi woszty, chleby, umasta
co se pojymy. I jedyn szoł, a jak już w mieście na torgu boł
tak se pomyśloł: „ Braci otruja, do jodła czego zaroz nasuja.
Po co sie dzielić tym złotym mom, jak moga wszystek mieć go se som”.
Jak se pomyśloł, tak zrobioł zaro. Tymczasym bracia tak se godajom:
- Lepszy we dwójka się podzielymy, trzecigo brata zajś zabijymy.
Postanowili i tak zrobili, jak bracik prziszoł to go zabili.
Potym porządnie oba pojedli i chned otruci przi lesie legli.
I prziszoł starzik co doł im złoto, wszystek pozbiyroł, ciepnył pod płotym
i piere krykom wiela sił mo. A praje chlopow dwóch starszych szło.
Podeszli bliżyj i zaglondajom. – Lepszy nom dejcie złoto – godajom.
- Chcecie, to biercie ta kupa cało, mie sie piniyndzy już odechciało.
I poszoł starzik se drogom dali, a chłopy złoto w kapsy zbiyrali.
blog pierwsza klasa
OdpowiedzUsuń