Maryjanka
Posłochejcie moji złoci o jednej artystce zapomnianej trocha dzisio w czasach lepszych mono dlo sztuki, bo terozki aktorzi ni muszom bez strzewiokow grać. Dziwujecie sie mono, kiery tyż po bosoku kunsztu aktorskigo się chytoł. A boło tak na zajngrubie wele Kondziołowca, kaj niedaleko sie Maryjanka Podeszwino narodziła we familji, kaj dziecek boło moc. Jak to czynsto w tamtych przedwojynnych czasach bywało synki szły na gruba robić, dziołchy szły na słożba , abo do cegielnie. Taki los spotkoł Maryjanka. Ale po robocie choć cima już było lotała na zajngruba kaj swoj podworkowy tejater kludziła. A aktorami boły w nim bajtle z cołki wsi, kierymi tak poradziła dyrygować, że jeji sztuki, co ich sama szkryfała po nocach grały, tańcowały, skokały i wyrobiały, że ludzie ,kierzy blisko zajngruby miyszkali nie porazili sie nadziwać na tych cyrkuśnikow. Tak boło,aż zaczyna się wojna, a potym nikiere aktory poległy na froncie, a nikiere dziołchy jak i Maryjanka Niymce wysłały daleko do roboty na landowa do bauerow, kaj na cudzych polach na cudzej ziymi musiały robić. Ale przetwała to Maryjanka i jak yno po wojnie nazod du dom sie skuldziła, to nowych aktorow zebrała i terozki u farorza Machalice przi gorniockim kościele sztuki, rozmańte jasełka i tejatry wystawiała. A łojce sztyjc jom prosiły coby sie wydala i ustatkowała, bo czas nojwyższy, ale łona godała, że jeji powołani to je sztuka i starom być dziywkom do końca życio. Że trza boło jakoś zarobiać, to na grubie na spodek z chłopami sjyżdżała i jak zwyczajnie górnikiym była, a przi tej robocie kląć jak szewc , pluć przed sia , gorzołka popijać z chłopami i kurzić cygarety sie nauczyła. Terozki mono kieryś taki jak łona niy dziwił by ludzi, downij jednak była kimś rychtyg nietypowym, ciekawom osobowościom, niezwykłom babom, kiero żodnego sie nie boła, godała co ji sie podobało i żodyn ji nie podskoczoł. Tych roztomańtych rynkopisow miała wielko moc, coż kie jak umrzyła familijo powyciepowała te wszystki szkryflaczki i yno w pamiynci byłych aktorow zostały jeji wiersze, sztuki, slowa pieśniczek i jeji niezapomniane powiedzonka. Jak na tyn przykład kiedy sie farorzowi sztrabła jak ji kozoł se dwojać.A łona pado;
Toż ty Pon Boczkowi za jedno godosz, jak rzykosz Ojcze nasz, kieryś je w niebie, a sobie kożesz dwojać. To za kogo sie mosz?
I tak poradziła i farorzowi kozani zrobić. Terozki ni ma już takich bob, toż pamiyntejcie Jastrzymbioki o Maryjance, wielki artystce, zapomnianej na papiorze, niezapomnianej we sercach ludzi.
Posłochejcie moji złoci o jednej artystce zapomnianej trocha dzisio w czasach lepszych mono dlo sztuki, bo terozki aktorzi ni muszom bez strzewiokow grać. Dziwujecie sie mono, kiery tyż po bosoku kunsztu aktorskigo się chytoł. A boło tak na zajngrubie wele Kondziołowca, kaj niedaleko sie Maryjanka Podeszwino narodziła we familji, kaj dziecek boło moc. Jak to czynsto w tamtych przedwojynnych czasach bywało synki szły na gruba robić, dziołchy szły na słożba , abo do cegielnie. Taki los spotkoł Maryjanka. Ale po robocie choć cima już było lotała na zajngruba kaj swoj podworkowy tejater kludziła. A aktorami boły w nim bajtle z cołki wsi, kierymi tak poradziła dyrygować, że jeji sztuki, co ich sama szkryfała po nocach grały, tańcowały, skokały i wyrobiały, że ludzie ,kierzy blisko zajngruby miyszkali nie porazili sie nadziwać na tych cyrkuśnikow. Tak boło,aż zaczyna się wojna, a potym nikiere aktory poległy na froncie, a nikiere dziołchy jak i Maryjanka Niymce wysłały daleko do roboty na landowa do bauerow, kaj na cudzych polach na cudzej ziymi musiały robić. Ale przetwała to Maryjanka i jak yno po wojnie nazod du dom sie skuldziła, to nowych aktorow zebrała i terozki u farorza Machalice przi gorniockim kościele sztuki, rozmańte jasełka i tejatry wystawiała. A łojce sztyjc jom prosiły coby sie wydala i ustatkowała, bo czas nojwyższy, ale łona godała, że jeji powołani to je sztuka i starom być dziywkom do końca życio. Że trza boło jakoś zarobiać, to na grubie na spodek z chłopami sjyżdżała i jak zwyczajnie górnikiym była, a przi tej robocie kląć jak szewc , pluć przed sia , gorzołka popijać z chłopami i kurzić cygarety sie nauczyła. Terozki mono kieryś taki jak łona niy dziwił by ludzi, downij jednak była kimś rychtyg nietypowym, ciekawom osobowościom, niezwykłom babom, kiero żodnego sie nie boła, godała co ji sie podobało i żodyn ji nie podskoczoł. Tych roztomańtych rynkopisow miała wielko moc, coż kie jak umrzyła familijo powyciepowała te wszystki szkryflaczki i yno w pamiynci byłych aktorow zostały jeji wiersze, sztuki, slowa pieśniczek i jeji niezapomniane powiedzonka. Jak na tyn przykład kiedy sie farorzowi sztrabła jak ji kozoł se dwojać.A łona pado;
Toż ty Pon Boczkowi za jedno godosz, jak rzykosz Ojcze nasz, kieryś je w niebie, a sobie kożesz dwojać. To za kogo sie mosz?
I tak poradziła i farorzowi kozani zrobić. Terozki ni ma już takich bob, toż pamiyntejcie Jastrzymbioki o Maryjance, wielki artystce, zapomnianej na papiorze, niezapomnianej we sercach ludzi.
Ciekawy wpis
OdpowiedzUsuń