I
Blyskła
piyrszo żołto gwiozdka na niebie w Wilijo
znak to że
już porodziła Paniynka Maryjo
a kaj ciepła
swe promyczki zakwitały róże
bo to dzisio
na świat prziszoł Jezus- Dziecia Boże
Kajś we
śniegu, kajś pod lodym róza płatki suje
lod rozpuści
yno kiery z cołkich sił miłuje,
lod rozpuści
yno kiery mo serce łogniste
jak tyn bioły
śniyg na dworze tak festelnie czyste.
II
Rychtuj synku do Wilije bo
już gwiozdka blysko,
złotym blyskiym topi serca
i łoświytlo wszystko.
Rychtuj wartko łobrus, świyca!
Piyczcie muter ryba,
bo Dzieciątko już do łokna
klupie w ciymno szyba.
A w tyj gołce, w tyj
czerwionej
gymba starki urobionej,
zmarszczkom gymba
przełorano,
stojom starka zadumano,
zaglądajom na betlejka, kaj
Dzieciątko małe,
spomniajom se ta starka
swoji życi całe.
Rychtuj synku talyrz
wiyncyj, bo tak zrobić trzeba,
trza pamiyntać o żebrokach
, co niy majom chleba.
I o bajtlach trza pamiyntać, o tych wszystkich
małych,
co mamulki na swaczyna jeść
im nic niy dały.
O starzikach trza
pamiyntać, kierzi już niy żyjom,
ale serca jejich synku w
nos tu dali bijom.
Dzisio noc je wielkich
cudow, ta noc je magiczno,
pozaglondej jak uśmiycho sie
Paniynka śliczno
III
Downymi roki o jednej porze
Jak żółto gwiozda blyskła na
dworze
Łociec kończyli gowiydź
odbywać
mamulka piykli lostatnio
ryba.
Bajtle skokały i wyrobiały
na geszyng doczkać się niy
umiały.
Starka ich troszka postrofowali,
a potym bojki jm pobojali.
W paradnej izbkie cojś
zaklupało,
Prziszło Dzieciątko, i
graczki dało.
Świyczki gorały, gołki
błyszczały,
A baltle dłogo to spominały.
Gowiydź ucichła, niebo
struchlało,
coś fest ważnego się
odbywało.
Z Panny przeczystej Pon Bog
się rodził
Kozdy sie z kożym przi stole
godził,
Żodyn niy wrzeszczoł, gymby
się śmioły,
śpiywały ptoszki, godały woły.
Ludzie opłatek w gorściach
łomali
I wszystki krzywdy se
wyboczali.
Mijajom roki, wszystko się
miyni,
ludzie inakszy som nauczyni,
i prziszły inksze już pokolynia,
ale to jedno nic się niy
zmiynia.
Pon Bog sie rodzi we sercach
ludzi
I przoci nowe zajś w nich
obudzi.
IV
Bydymy spywać dycko kolyndy,
Niech słyszy glosy te kożdy
wszyndy,
Niech kożdy słyszy nasze
śpywania,
Niech kozdy słyszy te nasze
grania.
Bydymy dobro głosić nowina,
Że czysto Panna zrodziła
Syna,
co prziszol na świat do okyn
klupie,
bo chce zagościć w kożdej
chałupie.
Czy Ty odymkniesz mu dźwiyrze
dzisio?
Czy wiysz, że rynka podać ci
przyszoł.
Czy mu zaśpiwosz z wielkom
uciechom,
Az sie rozniesie po mieście
echo.
Czy yno pojdziesz po sklepach
lotac
I budżetowe dziury fest łotać,
Bo trza pokozac przed
sąsiadami,
Jak to wystawnie mosz przed
śwyntami,
Wiela mosz jodla, az brzuch
ci puko
I jak zatkane mosz swoji
ucho,
Niy slochosz kolynd, ani
rzykanio,
Bo ty za wiela nosz
zalatwianio.
V
My przajymy Ci Jezusku,
ufni jako te pastuszki,
ufni jako Trzej Krolowie my
przajymu Jezu Tobie.
Pobłogosłow nom Dzieciątko
piyknie Cie proszymy,
Naszym bajtlom, naszym
łojcom, naszej śląskij ziymi.
Kończom sie świąteczne
chwile, do roboty czas sie kludzić,
a za rok sie wszystko
zmiyni i ubydzie trocha ludzi
i przibydom nowe dzieci,
mono lepszy mieć bydymy,
a za rokow poranoście
zmiyni sie oblicze ziymi.
Komentarze
Prześlij komentarz