Maszket z rabarberu
Bierymy 40 g maki, 200 g masła, 100 g cukru pudru, 20
g śmietonki, 4 żołtka z jajec, tyteczka cukru waniliowego i poł tyteczki
proszku do pieczynio. Wszystko fyrlomy i uciaprujymy i robiymy ciasto. Potym
wrażujymy do zimnego. Robiymy posypka ze 200g mąki, 100g masła, 100g cukru, sok
ze cytryny, może być trocha łobdartej skory ze apluzyny, troszka proszku do
pieczynio, szolka śmietonki krymowki. Puczymy fajnie posypka i tyż styrkomy do
zimnego na godzina. Rabarber pokroć na konski bodziokiym i posuć fajnie cukrym.
Potym ciasto rozkulać nudelkulom, wrazić na blacha, a na wiyrch rabarber. Na
koniec posuć hrubo posypkom i wrazić do ruły. Za trzisztwierci godziny je upieczony.
Komentarze
Prześlij komentarz