Przejdź do głównej zawartości

Pieśniczki - kolędy po naszymu

wykonuje zespół Jastrzymbioki

Jezus malusieńki



Pon Boczek maluśki

nyno tu saguśki

płaczki kulo, dyć matulo

niy dałaś pieluszki



Dyć jo je boroka

ni mom sam ziymioka

ni mom nupla, ani futra

nic dać ci niy moga

.

Dej mi chocioż sianka

łod tego baranka

co się pasie przi szałasie

łogrzeje do ranka.



Szlajerym i sianym

Aniołow śpiywaniym

grzyj się synku,moj rudzynku

bydziesz Krolym, Panym



Z narodzenia Pana



Coż to za uciecha, Anioły grajom,

ludziska se wsi wszyndzi śpiywajom,

pies przi budzie , krole w szopie,

koń kopytym w chlywie kopie

co to za uciecha, Jezus sie rodzi



Pasterze przi lesie lecom z rożkami

kludzom sie starziki wroz ze starkami.

Bajtle niesom tatulkowie,

idom ciotki i potkowie

co to za uciecha, Jezus się rodzi



Kościół sie fest miyni, gołki blydujom

w gołkach ludzie żłobka fest wypatrujom

Dzwony bijom, kury piejom

młode frelki zajś sie śmiejom

co to za uciecha Jezus się rodzi.





Ptoszki dzisio niy spiom yno śpiywajom

w zimie szmaterloki piykne furgajom

bo Anioły ich zbudziły coby też se rade były

coż to za uciecha, Jezus się rodzi

Etykiety:

Komentarze

Prześlij komentarz

Gwara śląska najgryfniejsze wlazowania

Kuloki i hajcongi

Jak już przidzie styczyń to praje dycko je bioło za łoknym, aże bioło, autami ludzie niy poradzom wyjechać ze swojich placow skuli śniegu, a kaj człowiek sie yno niy podziwo, lotajom ludziska po szesyjach z roztomańtymi hercowami i inkszymi łopatami i łodciepujom te wielki hołdy. Wszyndzi je gładko i trza dować pozor jak sie idzie we ważnej sprawie na klachy do somsiadki, abo do roboty. A jak je zima w chałpach! Trza hajcować we wszystkich piecach, bo inakszy pazury łod mrozu ulatujom. Jo dycko myślach że nojlepszy sie majom ci, kierzi miyszkajom na blokach, bo dycko majom ciepło, niy muszom sie marasić wonglym, ani wachować piecow, coby w nich niy zagasło, ale ostatnio słysza, że i na blokach ni ma tak blank dobrze, bo bezmała som tam jakiś haje o liczniki przi tych fojercongach. A zajś jak kiery miyszko we swoji chałpie, to musi już na jesiyń sie o wongel starać, a w zimie niy umi se bez żodnej komedyje ponść z chałpy, bo zarozki we piecu zagaśnie i kaloryfer zamiast parzić po puk...
Prześlij komentarz
Czytaj więcej

Starzikowe pszczoły

 Teklin starzik pszczoły mioł, kierym fest, ale fest przoł. W rownej raji hule stoły wele chałpy, a w nich pszczoły. Pszczoły tak starzika znały, że go yno niy szczypały. A w kumorze miodu beczka, pojodała go Tekleczka, przichodzili ludzie ze wsi, bo starzikow miod nojlepszy. Krauza dycko kupowali, kosztowali, wychwolali. Na wilijo roz się miało, w zimie pszczoły w hulu spały. A w wilijo, to padajom, że zwierzynta se godajom, gospodorzi obgadujom, czy tyż dobrze ich futrujom. Ale żodyn niych niy słocho, lepszy gażom zaciść ucho, kto podsłyszy, niy dożyje do tyj na bezrok wilije. Ale starzik chcieli wiedzieć, Jak się w hulu pszczołom wiedzie. Czy go chwolom? Czy mu przajom? Co tyż ło nim se godajom? Po wiliji familijo na pastyrka już się zbiyro. Ale starzik jakoś zwlyko, przeca kościół je daleko, a  we krziżu fonsok łupie, lepszy zostać se w chałupie. Po pastyrce Tekla idzie, a na fol łotwarte dźwiyrze. Szuko łociec, matka, oma, bo starzika ni ma w doma. Aż tatulek szoł ku pszc...
Prześlij komentarz
Czytaj więcej

Przepisy po śląsku - Pikelsznita

Pikelsznita z ajerkoniakiym Pieczymy dwa biszkopty w bratrule – jedyn bioły i jedyn kakaowy. Oba mażymy ajerkoniakiym. Bierymy liter mlyka i warzymy dwa budynie śmietonkowe, mogymy tam dosuć trocha wanilie. Do krymu dodować po troszce ubitego fajnie masła, kierego bierymy kole szterdzieści deko. Sztyjc miyszać, coby sie cfołki niy porobiły. Krym mazać hrubo miyndzy biszkopty polote ajerkoniakiym i trocha po wiyrchu. Jak kiery rod, to może se to pomazać z wiyrchu polywom szekuladowom.
Prześlij komentarz
Czytaj więcej