Posłaniec z nieba
Znaliście Jagno ta baba Wickowo,
co miyszkoł za rzykom i kormiki chowoł ?
- Ja, znom ci jom dobrze, śmioli się ś ni ludzie,
że żebrok jom nabroł kiejś, jak szoł po drodze.
Wszystko skiż gupoty! Niyrozumno była,
Toż kożdo gup[ota wciść se pozwolyła.
Szoł Wicek do pola i pedzioł:” Siedź w doma,
Uworz jaki łobiod, wciep do chlywkow słoma
I wachuj tu chałpy, byda za godzina”.
Toż se warzi baba, kie chłopeczka ni ma.
A praje szoł żebrok, bez łokno poglondo.
Coż ta baba warzi dobrego zaglondo.
Zejrzała go w końcu, pyto : - Skąd idziecie?!
Ach z Wiydnia, z daleka, to je w inkszym świecie.
- Ja? A je to w niebie? Je tam mój tatulek?
Widzieliście tyż go? Jako łon się czuje?
Spomiarkowoł żebrok , że gupio je baba,
Myśli : „Pocygania i cojś se wychabia”.
A jak łon wyglondo? W niebie ludzi mocka.
Glaca, wielki uszy i świdrate łoczka.
Ja, wiym, tegoch widzioł, to tyn co mo biyda,
pozdrowia go łod wos jak do nieba przida.
Biyda! Jezderkusie! Toż czym się zajmuje?
Cołki dziyń łod rana do nocy charuje,
a płacom mu mało, słożyć inkszym musi,
boja się, że dioboł go do piekła skusi.
Czakejcie, toż jo mu paczka narychtuja,
Wosztu, chleba, piwa zaroz mu spakuja.
I ancug łod chłopa, galoty blank nowe,
strzewiki, piniondze, no...i już gotowe!
Teroz jeszcze wom tyż dom co yno moga,
do nieba je przecyż fest daleko droga.
Tak załopatrzony poszoł żebrok rod.
Aż prziszoł chłop z pola, łotar z czoła pot,
a baba mu prawi o posłańcu z nieba.
Wiyncyj chłopu godać nic niy było trzeba,
siod wartko na konia i goni żebroka.
Tyn go zejrzoł z dalsza, skroł paczki we krzokach
i pyto się grzecznie: _ Szukocie tyż kogo?
Ja, chłopa z paczkami, kiery szoł tom drogom.
Toż dobrze się skłodo, bo łon wloz do lasa,
potrzimom wom konia i troszka popasa.
Toż dobre- chłop pado i do lasa wloz.
Idźcie, idźcie chłopie, konia byda pos!
Siod żebrok na konia, wzion paczki, łodjechoł,
a chłop jak się wrocioł, dziepiyro się ściekoł.
A jak du dom prziszoł, baba go się pyto:
- Kaj mosz konia chłopie?Żro przi płocie żyto?
- Ni, dołech go tymu posłańcowi z nieba,
dyć w niebiańsko brama koniym wjechać trzeba.
-
Znaliście Jagno ta baba Wickowo,
co miyszkoł za rzykom i kormiki chowoł ?
- Ja, znom ci jom dobrze, śmioli się ś ni ludzie,
że żebrok jom nabroł kiejś, jak szoł po drodze.
Wszystko skiż gupoty! Niyrozumno była,
Toż kożdo gup[ota wciść se pozwolyła.
Szoł Wicek do pola i pedzioł:” Siedź w doma,
Uworz jaki łobiod, wciep do chlywkow słoma
I wachuj tu chałpy, byda za godzina”.
Toż se warzi baba, kie chłopeczka ni ma.
A praje szoł żebrok, bez łokno poglondo.
Coż ta baba warzi dobrego zaglondo.
Zejrzała go w końcu, pyto : - Skąd idziecie?!
Ach z Wiydnia, z daleka, to je w inkszym świecie.
- Ja? A je to w niebie? Je tam mój tatulek?
Widzieliście tyż go? Jako łon się czuje?
Spomiarkowoł żebrok , że gupio je baba,
Myśli : „Pocygania i cojś se wychabia”.
A jak łon wyglondo? W niebie ludzi mocka.
Glaca, wielki uszy i świdrate łoczka.
Ja, wiym, tegoch widzioł, to tyn co mo biyda,
pozdrowia go łod wos jak do nieba przida.
Biyda! Jezderkusie! Toż czym się zajmuje?
Cołki dziyń łod rana do nocy charuje,
a płacom mu mało, słożyć inkszym musi,
boja się, że dioboł go do piekła skusi.
Czakejcie, toż jo mu paczka narychtuja,
Wosztu, chleba, piwa zaroz mu spakuja.
I ancug łod chłopa, galoty blank nowe,
strzewiki, piniondze, no...i już gotowe!
Teroz jeszcze wom tyż dom co yno moga,
do nieba je przecyż fest daleko droga.
Tak załopatrzony poszoł żebrok rod.
Aż prziszoł chłop z pola, łotar z czoła pot,
a baba mu prawi o posłańcu z nieba.
Wiyncyj chłopu godać nic niy było trzeba,
siod wartko na konia i goni żebroka.
Tyn go zejrzoł z dalsza, skroł paczki we krzokach
i pyto się grzecznie: _ Szukocie tyż kogo?
Ja, chłopa z paczkami, kiery szoł tom drogom.
Toż dobrze się skłodo, bo łon wloz do lasa,
potrzimom wom konia i troszka popasa.
Toż dobre- chłop pado i do lasa wloz.
Idźcie, idźcie chłopie, konia byda pos!
Siod żebrok na konia, wzion paczki, łodjechoł,
a chłop jak się wrocioł, dziepiyro się ściekoł.
A jak du dom prziszoł, baba go się pyto:
- Kaj mosz konia chłopie?Żro przi płocie żyto?
- Ni, dołech go tymu posłańcowi z nieba,
dyć w niebiańsko brama koniym wjechać trzeba.
-
Komentarze
Prześlij komentarz