Mazurka
Zaglondejcie mili ludkowie jak to życi czasym dziwnie się ukłodo. Jedyn idzie bez ni z wielkim larmym, z butlym łokropnym i zdo mu się, że ludziska szytjc zaglondajom na niego z podziwym wielkim i godajom se miydzy sobom
Tym to je ważny człowiek i bydzie zapamiyntany bez dłogi roki.
Ale jak yno skończy dużo rozprowiać, a wychwolać się som pod niebiosa, to inksi obrocom sie do zadku i ani na niego nie wejrzom. A som tacy ludzie, kierzi idom bez życi cicho i ze skromnościom , a jednak przysłożom się inkszym i som zapamiyntani bez dłogi roki. Tak jak to było z Richuśkom Mazurkom,o kierej do dzisyj ludzie godajom, choć downo leży na kiyrchowie, a chałpka jeja już nie istnieje i nie istnieje żodyn znak ło ni procz ludzkij pamiyci i dobrego słowa. A coż wielkigo zrobiła dlo inkszych? A to, że wongiel woziła swojom wyslożonom forom bez dłogi roki jako jedyno baba chyba na cołkim Ślasku. A zaczyno się łod czasu jak jeji chłop Richuś na wojnie polyg, a w doma dziecka jeść wołały i trza boło gospodarka łobroibić i jeszcze co zarobić coby chłpa utrzimać. Toż wyjyna fora łod chłopa nieboszczyka, zaprzągła do ni konie i woziła ludziom wongel bez dłogi, dłogi roki. A tako boła składno , że niejedyn chłop mog ji pozazdrościć,tako boła robotno, że zodyn za niom nie nadążoł i boła dobro dlo ludzi, dycko ze zaplatom poczkała jak kiery ni mioł, a klijyntow miała zawsze moc, bo łacniejszo boła jeja usługa niż u inkszych formonow. Roki mijały, czasy się miyniły i po jastrzymbskich szesyjach już ni fory z konikami wongel woziły, a wielkucne auciska,kiere były warciejsze i wiyncyj na ni wlazło. Ale Mazurka wierno swojimu fachowi prawie do końca swojigo dłogigo życio robiła tym szoferom wielko konkuryncyjo swojom forom. Do dzisiyj ludzie jom pamiyntajom, bo się w historyjo naszego mista wpisała zlotymi literkami.
Zaglondejcie mili ludkowie jak to życi czasym dziwnie się ukłodo. Jedyn idzie bez ni z wielkim larmym, z butlym łokropnym i zdo mu się, że ludziska szytjc zaglondajom na niego z podziwym wielkim i godajom se miydzy sobom
Tym to je ważny człowiek i bydzie zapamiyntany bez dłogi roki.
Ale jak yno skończy dużo rozprowiać, a wychwolać się som pod niebiosa, to inksi obrocom sie do zadku i ani na niego nie wejrzom. A som tacy ludzie, kierzi idom bez życi cicho i ze skromnościom , a jednak przysłożom się inkszym i som zapamiyntani bez dłogi roki. Tak jak to było z Richuśkom Mazurkom,o kierej do dzisyj ludzie godajom, choć downo leży na kiyrchowie, a chałpka jeja już nie istnieje i nie istnieje żodyn znak ło ni procz ludzkij pamiyci i dobrego słowa. A coż wielkigo zrobiła dlo inkszych? A to, że wongiel woziła swojom wyslożonom forom bez dłogi roki jako jedyno baba chyba na cołkim Ślasku. A zaczyno się łod czasu jak jeji chłop Richuś na wojnie polyg, a w doma dziecka jeść wołały i trza boło gospodarka łobroibić i jeszcze co zarobić coby chłpa utrzimać. Toż wyjyna fora łod chłopa nieboszczyka, zaprzągła do ni konie i woziła ludziom wongel bez dłogi, dłogi roki. A tako boła składno , że niejedyn chłop mog ji pozazdrościć,tako boła robotno, że zodyn za niom nie nadążoł i boła dobro dlo ludzi, dycko ze zaplatom poczkała jak kiery ni mioł, a klijyntow miała zawsze moc, bo łacniejszo boła jeja usługa niż u inkszych formonow. Roki mijały, czasy się miyniły i po jastrzymbskich szesyjach już ni fory z konikami wongel woziły, a wielkucne auciska,kiere były warciejsze i wiyncyj na ni wlazło. Ale Mazurka wierno swojimu fachowi prawie do końca swojigo dłogigo życio robiła tym szoferom wielko konkuryncyjo swojom forom. Do dzisiyj ludzie jom pamiyntajom, bo się w historyjo naszego mista wpisała zlotymi literkami.
Komentarze
Prześlij komentarz