Drzewiano Maryjka
Kajście to siedli mamulko
Kaj licho boroczko
Dyć na głowiczka się suje
Drobne liści ze krzoczkow
Dyć wos chroboczek gryzie
Dyć osa nerwuje sztyjc
I ptoszek sztyjc szteruje
Wy niy godocie nic?
Nigdy niy halacecie
Mamuliczko z drzewa
Czy spodle tego krzoczka
Daleko wom do nieba?
Bioły dynkmal
Dycko rada wrona siodo na biołym dynkmalu
kaj ze starej wierzby płaczki liści sie spuszczajom
i tak cicho cojś w nich szuści choćby dziecia głos
i tak cicho cojś w nich klupie sztyjc w nich kwili cojś.
Moj Ponboczku huśtosz stromym nad starym kiyrchowym
coby deszczyk noszym zmarłym niy sipioł na głowy.
Moj Ponboczku Ty pocieszysz umrzyte duszyczki
i te kierym żodyn nigdy niy zapolył swiyczki.
Cygon i Ziga
Jechoł Ziga Kieś na kole pod las w pole po fandzole,
bo na łobiod Truda chciała warzić zupa dzisio miała.
Naroz tam, kaj brzozka bioło flot zastawoł swoji koło
i zaglondo zadziwiony. Cygon stoji fest wypniony
z sagom rzyciom nieruchomo. - Czamu rzić mosz tak wyśniono
- pyto Cygon – Gańby ni mosz? - Coż Cygonie tyż wyczyniosz?!
- Dyć niy sztyftuj mie chłopeczku, dzisio piękne jest słoneczko
- pado Cygon – rzić łopoli, przibronoci i osmoli.
Chca piniyndzy prziszporować, galot niy trza już kupować,
jak się przibronoca piynknie, rzić na słońcu trocha zmiynknie.
Ziga tymu się dziwuje. - Jak tyn Cygon tak szoruje?
A czy żodyn tyż niy pozno? Czy bez galot chodzić możno?
- Ale chłopie – Cygon pado - sago rzić je przeca blado,
A to słońce jom tak zmiyni, wszyscy bydom zachwyconi
Jaki piękne Mosz galoty do kościoła, do roboty.
a ty galot niy kupujesz? Jeszcze tego niy kapujesz?!
Kie tak Cygon przekonuje myśli chłop, że tyż spróbuje.
Coż mu wypiąć rzić tyż szkodzi? Tukyj mało kto przechodzi.
- Żodyn niy uwidzi mie, Dyć Cygonie ponknij się.
Ściepoł tyż galoty w końcu i wypino rzić ku słońcu.
Czako chwila, czako drugo. - Spytom sie Cygana dłogo
Trzeba jeszcze stoć – chłop pado – bo rzić jeszcze bardzo blado.
- Ale każ tyn Cygon je? A to pieron , nabroł mie!
Wzion galoty, koło wzion, a jo gupi, stary koń
rzić wypinom tu i stoja. Coż tyż powiy Truda moja,
jak mie zejrzi z sagom rzyciom już niy byda tyż mioł życio.
I naciągnął Westa fest. Sagi i bez koła jest
Kajście to siedli mamulko
Kaj licho boroczko
Dyć na głowiczka się suje
Drobne liści ze krzoczkow
Dyć wos chroboczek gryzie
Dyć osa nerwuje sztyjc
I ptoszek sztyjc szteruje
Wy niy godocie nic?
Nigdy niy halacecie
Mamuliczko z drzewa
Czy spodle tego krzoczka
Daleko wom do nieba?
Bioły dynkmal
Dycko rada wrona siodo na biołym dynkmalu
kaj ze starej wierzby płaczki liści sie spuszczajom
i tak cicho cojś w nich szuści choćby dziecia głos
i tak cicho cojś w nich klupie sztyjc w nich kwili cojś.
Moj Ponboczku huśtosz stromym nad starym kiyrchowym
coby deszczyk noszym zmarłym niy sipioł na głowy.
Moj Ponboczku Ty pocieszysz umrzyte duszyczki
i te kierym żodyn nigdy niy zapolył swiyczki.
Cygon i Ziga
Jechoł Ziga Kieś na kole pod las w pole po fandzole,
bo na łobiod Truda chciała warzić zupa dzisio miała.
Naroz tam, kaj brzozka bioło flot zastawoł swoji koło
i zaglondo zadziwiony. Cygon stoji fest wypniony
z sagom rzyciom nieruchomo. - Czamu rzić mosz tak wyśniono
- pyto Cygon – Gańby ni mosz? - Coż Cygonie tyż wyczyniosz?!
- Dyć niy sztyftuj mie chłopeczku, dzisio piękne jest słoneczko
- pado Cygon – rzić łopoli, przibronoci i osmoli.
Chca piniyndzy prziszporować, galot niy trza już kupować,
jak się przibronoca piynknie, rzić na słońcu trocha zmiynknie.
Ziga tymu się dziwuje. - Jak tyn Cygon tak szoruje?
A czy żodyn tyż niy pozno? Czy bez galot chodzić możno?
- Ale chłopie – Cygon pado - sago rzić je przeca blado,
A to słońce jom tak zmiyni, wszyscy bydom zachwyconi
Jaki piękne Mosz galoty do kościoła, do roboty.
a ty galot niy kupujesz? Jeszcze tego niy kapujesz?!
Kie tak Cygon przekonuje myśli chłop, że tyż spróbuje.
Coż mu wypiąć rzić tyż szkodzi? Tukyj mało kto przechodzi.
- Żodyn niy uwidzi mie, Dyć Cygonie ponknij się.
Ściepoł tyż galoty w końcu i wypino rzić ku słońcu.
Czako chwila, czako drugo. - Spytom sie Cygana dłogo
Trzeba jeszcze stoć – chłop pado – bo rzić jeszcze bardzo blado.
- Ale każ tyn Cygon je? A to pieron , nabroł mie!
Wzion galoty, koło wzion, a jo gupi, stary koń
rzić wypinom tu i stoja. Coż tyż powiy Truda moja,
jak mie zejrzi z sagom rzyciom już niy byda tyż mioł życio.
I naciągnął Westa fest. Sagi i bez koła jest
Komentarze
Prześlij komentarz